Walîtîya Mêrsînê protestokirina santrala enerjiya nûkleer qedexe kir

Ji bo nûçeya Tirkî / Ingilîzî bitikîne

Li Akkuyuya Mêrsînê santraleka enerjiya nûkleer dê bê avakirin. Serokkomar û serokê Partiya Dad û Geşepêdanê(AKP) Recep Tayyîp Erdogan û serokê Rûsyayê Vladimir Putin dê li Enqereyê bi rêya telekonferansê beşdarî rêûrisma fermî ya li Mêrsînê bibin û avakirina santralê bidin dest pê kirin.

Walîtîya Mêrsînê ji beriya ku rêûrism dest pê bike protestokirina santrala enerjiya nûkleer qedexe kir.

Parêzera Sevîm Kûçûk yek ji endamên Platforma Dij-Nûkleeran e, wê ji bianetê re diyar kir otobûsa ew tê de ne hatiye sekinandin.

“Em welatiyên vî welatî ne û mafê me ye ku em ji derekê bi wesayitên civakî biçin dereka dî”

Polîsan rêya bûsê sekinandiye lê rêwîyên di otobûsê de bi meşê ketine ser rêyê.

Plan ew e ku dê li Akkuyuyê çar santralên enerjiya nûkleer bêne avakirin.(PT/MB)