Yildirim Parlamentera HDPyê di dosyayekê de tehliye bû, lê wê girtî bimîne

Ji bo nûçeya Tirkî / Ingilîzî bitikîne

Parlamentera Partiya Demokratîk a Gelan (HDP) Gulser Yildirim di doza xwe ya “propagandeya rêxistina terorê û teşwîqkirina gel a ji bo serhildanê” beraat kir.

Erdal Kûzû parêzerê Yildirimê ji bianetê re axivî û got ku ji ber doza “endamtiya rêxistin” rewşa Yildirimê ya girtîtiyê wê berdewam bike.

Kûzûyî her wiha destnîşan kir ku dosyaya doza Yildirimê di meha Îlonê de hatine cudakirin.

Erdal Kûzûyî bibîr xist ku sibeyê Dadgeha Destûra Bingehîn dê dosyaya derbarê rakirina parêzbendiya Gulser Yildirimê û girtina wê de nîqaş bike û ew ê biryara Dadgehê ya di vê dosyayê de dê bandorê li pêşveçûna dozan bike.

Di 4ê Çiriya Paşiyê ya 2016yê de hatibû girtin

Gulser Yildirim di 4ê Çiriya Paşiyê ya 2016yê de li gel Hevserokê Giştî yê HDPyê Selahattîn Demîrtaşî, Hevseroka Giştî ya berê HDPyê Fîgen Yuksekdage ku di 21ê Sibata 2017yê de mafê parlamenteriyê jê hatibû standin û endamtiya wê ya HDPyê hatibû xistin, Parlamenterê HDPyê yê Amedê Idrîs Balûken, Parlamentera Şirnexê Leyla Bîrlîk, Parlamentera Colemêrgê Selma Irmak, Parlamentera Amedê Nûrsel Aydogan ku di 9ê Gulana 2017yê de mafê parlamenteriyê jî hatibû standin û Parlamenterê Colemêrgê Abdûllah Zeynadî hatibû girtin.

9 Parlamenterên HDPyê girtî ne

Selahattîn Demîrtaş – Hevserokê Giştî yê HDPyê

Fîgen Yuksekdag – Hevseroka Gişti ya berê (parlamenteriya wê û endamtiya wê 21ê Sibata 2017yê hatibû xistin)

Idrîs Balûken – Parlamenterê Amedê

Selma Irmak – Parlamentera Colemêrgê

Gulser Yildirim – Parlamentera Mêrdînê

Ferhat Encu – Parlamentera Şirnexê

Abdûllah Zeydan – Parlamenterê Colemêrgê

Çaglad Demîrel – Parlamentera Amedê

Bûrcû Çelîk – Parlamentera Mûşê

Ji bilî Parlamenterên HDPyê, Parlamenterê CHPyê yê Stenbolê Enîs Berberoglû di çarçoveya dosyaya kamyonên Rêxistina Istixbarata Milî (MİT) de 14yê Hezîrana 2017yê hatibû girtin. (EKN/FD)