YSKyê destûr nedaye Demîrtaş beşdarî bernameya televizyonê bibe, wî bersiv nivîsîne

Ji bo nûçeya tirkî bitikîne

Berbijarê Partiya Gelan a Demokratîk(HDP), Selahattîn Demîrtaşî bi nivîskî bersiva pirsên FOX TVyê daye.

Biryar ew bû ku Demirtaşî dê bi telefonê bersiva pirsên Fatih Portakalê pêşkêşkarê bernameya TVyê bide lê YSK(Lijneya Bilind a Hilbijartinan) ev yek qebûl nekiriye. Demîrtaşî bi navbeynkariya parêzerê xwe ev bersiv şandine.

Bixwîne - HDP: Bila rojnameger karibin biçin nik Demîrtaşî

“Ya rastî bi îlankirina Rewşa Awarte Tirkiye bûye wek girtîgehekê ji ber wê ez li derve jî bûma min ê di şertên berbijarên dî de propaganda nekiriya.

“Benda hilbijartinan ya ji sedî 10 ji bo demokrasiyê eybek/şermek e. EW bend niho ji bo HDPyê heye.

“Di wê baweriyê de me ku qasî em ê piştgiriyê ji kurdan bistînin em ê ji tirkan jî bistînin.

Bixwîne - bianetê şertên girtîgehê û hilbijartin ji Demirtaşî pirsî, wî bersiv da

“Ez ê ji bo tûra duyem bimînim. Em ji bo vê yekê dixebitim.

“Li girtîgehê jî ez neketim înzivayê. Ez her dem xebitîm.

“Ez bi awayekê gelek semîmî dibêjim heke têkiliyeka me ya organîk an jî rêxistinî bi PKKyê(Partiya Karkerên Kurdistanê) re heba, ez ew qasê wêrek û dirist im ku min ê bikariya ez vê yekê bibêjim.”

(PT/MB)