Cezayê pere li Amedsporê birîn

Lijneya Dîsîplînê ya Futbola Profesyonel(PFDK) 84 hezar TL ceza li Amedsporê birî. Amedspor di Koma Sor a Lîga 2emîn a Federasyona Futbolê ya Tirkiyeyê(TFF) de yekemin e.

Li gorî nûçeya Ajansa Mezopotamyayê ji bo birîna ceza jî, dema maça di navbera Amedspor û Înegolsporê de dihat lîstin “bûyerên ku alîgir bûne sedem”  wek hincet hatiye nîşandin.

Amedsporê li ser hesabê xwe yê medya civakî ragihandiye ku ew ê li dijî cezê îtiraz bikin.

Amedsporê di maça 7ê Nîsanê da Înegolspor bi 5-2an têk bir û di Koma Sor a Lîga 2emîn a Federasyona Futbolê ya Tirkiyeyê(TFF) de puanê xwe derxist 74an.

(TY/AY)