Di doza Qetlîama Trênê ya Çorlûyê de biryar aşkere bû: Çar bersûcan beraet kir

Di sala 2018an de li navçeya Çorlu ya Tekîrdagê de qezaya trenê çêbû û 7 jê zarok bi giştî 25 welatî miribûn. Her wiha 328 kes jî birîndar bûbûn. Di doza qezayê de biryar hate eşkerekirin. 

Di dozê de 13 bersûc hene û bi sûcê “Ji ber qisûriya xwe bû sedema mirin û birîndarbûna gelek kesan” dihatin darizandin. Danişîna biryarê li 1emîn Dadgeha Cezayên Giran a Çorluyê hat lidarxistin. 

Li gorî nûçeya Ajansa Mezopotamyayê malbat û xizmên kesên di qezayê de jiyana xwe ji dest dayîn û parêzerên wan, gelek rêxistinên hiqûqê û aktîvîstên mafên mirovan tev li danişînê bûn. Serokê Giştî yê CHP’ê Ozgur Ozel jî danişîn şopand. 

Di danişînê de gotinên dawî ji bersûcan hatin pirsîn. Bersûcan daxwaza beraetê kirin. Piştre jî ji bo eşkerekirina hukmê hatiye dayîn 20 deqe navber hate dayîn. 

Dadgehê li Midûrê Herêma Yekemîn a Rêhesinên Dewletê ya Komara Tirkiyeyê (TCDD) Nîhat Aslan 15 sal, li Midûrê Lênihêrînê yê Herêma Yekemîn a TCDD’ê Mumîn Karasu 17 sal û 6 meh, li Cîgirê Midûrê Lênihêrînê yê Herêma Yekemîn a TCDD’ê Nîzamettîn Aras 8 sal û 4 meh, li endezyarên TCDD’ê Tevfîk Baran Onder 10 sal, li Denîz Parlak û Kubîlay Başkaya jî 9 sal û 2 meh cezayê hefsê birî. 

Di heman demê de li Şefê Lênihêrîn û Tamîrata Rêyê Ozkan Polat jî 12 sal û 9 meh cezayê girtîgehê birî. 

(RT/AY)