Fîlmamedê dest pê kir
Festîvala 8an a Belgefîlman a Fîlmamed dest pê kir.
Ji bo festîvalê li Amedê, li Şanoya Bajêr a Amedê merasîmek hate li dar xistin.
Sînemahez, derhêner û gelek mêvan beşdarî bernameyê bûn.
Her weha Parlamentera Partiya Çepên Kesk a Erzeromê Meral Daniş Beştaş û Hevseroka Giştî ya Partiya Herêmên Demokratîk (DBP) Salîha Aydenîz beşdar bûn.
Festîval wê heta 1ê Çiriya Pêşiyê roja Yekşemê dewam bike. Di festîvalê de bi giştî wê 31 belgefîlm bên nişandan.
“Fîlmamed li dijî sansurê li ber xwe dide”
Derhêner Metîn Ewr di destpêka bernameyê de axivî û behsa girîngiya belgefîlman kir. Ewrî diyar kir ku belgefîlm bîra civakê ye û dixwazin vî bîrê tune bikin, qîr bikin.
Ewrî got sansurkirin nişan dide ku ew çiqas karekî girîng dikin: “Fîlmamed li dijî sansurê û talanê sekneke, li dijî van tiştan li ber xwe dide.”
Paşê Parlamentera Partiya Çepên Kesk a Erzeromê Meral Daniş Beştaş axivî û wê jî behsa sansurkirina sînemayê, bernameyên çand û hunerî kir. Beştaşê diyar kir ku kayûman ne tene dest danîn ser şaredariyan, her weha polîtîkayên îmha, înkar û asîmîlasyonê jî pêk anîn.
Beştaşê got ku ev zext û zor ne tenê li ser kurdan lê li ser hemû qadên hünere heye: “Îro hinek dema dibêjin ‘me nekarî desthilatdariya xwe ya çandî saz bikira’, gelek baş dizanin ku çima ev saz nekirine. Civak rê nade vî tiştî.”
Piştî axavtinan, fîlmê bi navê “Zimanê Dayikê” yê derhêner Sarkew Mesgariyî hate nişandan.
Fîlm behsa têkoşîna dersdarên dersa kurdî dike ku li Îranê û Rojhilatê didin.
Li dû nûşandana fîlmî, derhêner Mesgariyî bersiva pirsên temaşevanan da.
Mesagiriyî di axavtina xwe de behsa dersdarên zimanê kurdî yên Îran û Rojhilatê kir.
Di bernameyê de Hevseroka Giştî ya DBPyê Salîha Aydenizê plaketek pêşkêşî derhêner Mesagiriyî kir. (FD)
Edîtorê bianet kurdiyê ye. Ji Zaningeha Marmarayê, ji beşa Rojnamegerîyê derçûye. Li Zaningeha Marmarayê di beşa Rojnamegerîyê de masterê dike. Di rojnamaya Birgünê, Dicle Haber Ajansı (DİHA), Dem Tv, Rûdaw Tv û Sputnik Kurdistanê de wek nûçegîhan, edîtor, gerînendeyê nûçeyan û şef edîtor kar kiriye. Edîtorî û redaktoriya gelek pirtûkan kiriye. Yek ji nivîskarên “E- Kitêba Rojnamegeriya Kurdî a Dijîtal”, “Ferhengoka Kurdî-Tirkî ya Nûçegihaniya Zayenda Civakî” ye. Nivîseke wî ya lêkolînê di pirtûka “Haber Analizi ve Arşiv İncelemeleriyle Türkiye’de 9 Gazete” de hatiye weşandin. Li bianetê û Botan Internationalê, di Kargehên Medyaya Kurdî de dersên dîroka çapemeniya kurdî, rojnamegeriya mafparêz û hevpeyvînan daye. Pirtûkek bi navê "Guldesteyek ji Baxê Rewanê" (Sor Yay.), yek jî bi navê "Çîrokên Şêwra Ermenan" (Cervantes Yay.) derxistiye. Xwediyê Xelata Rojnamegeriyê ya Mûsa Anterî û Rojnamegerên Çapemeniya Azad (di beşa nûçeyên kurdî de) yê sala 2023yan e.
Diyarname 29 Reşemî: Ev rojname wê her ji çar salan carekê çap bibe
Weşana kurdî ya Radyoya Swêdê piştî 23 salan bi dawî bû: “Radyo pirek bû”
Muzîka Kurdî 2023: “Nazdar Nazdar”, Koma Amed, Şivan Perwer, hunermendên jin
LI STENBOLÊ WÊ DIBISTANA MUZÎKÊ YA EGÎDÊ CIMOYÊ VEBE
“Em dixwazin Egîdê Cimoyên nû derkevin”
“Dema em li betlaneyê bûn, rêveberiya Kurdistan24ê em ji kar derxistin”
