"Ji 574 hezar û 963 zarokên otîstîk bi tenê 41 hezar û 854 jê dikarin biçin dibistanan"

Ji bo nûçeya tirkî bitikîne

Bi vebûna dibistanan re, bi milyonan xwendevan wê bên perwerdekirin. Lê zarokên otîstîk bi zehmetî mafê xwe yê perwerdeyê bikar tînin. 

Weqfa Otîzmê ya Tohûmê di roja yekem a destpêkirina sala nû ya pwerdeyê de daxuyaniyeke nivîskî weşandiye. Weqfê di daxuyaniyê de diyar kiriye ku îro tekane çareya otîzmê pêşnasan e û perwerdeyeke taybet a berfireh û daîmî ye. Li gorî daneyên weqfê her ji 44 zarokan yek jê otîstîk e. 

Perwerdeyeke mafparêz û tevgir pêwîste

Midûra Giştî ya Weqfê Ozgul Gurelê diyar kiriye ku ji bo hemû zarokên otîstîk bikaribin bi rengekî wekhev ji mafê perwerdeyê sûd bigire, divê di ji meriyetê de jî mafparêzî û perwerdeya tevgir bicih bibe. Gurelê axavtina xwe bi van gotinan dewam kiriye:  

"Dema em bala xwe didin serjimarê, li welatê me nêzîkî milyon û 900 hezar û 326 kesên otîstîk hene û ev bandorê li 7 milyon û 601 hezar û 304 ferdên ji malbatên wan dike. Digel vê rewşê li Tirkiyeyê ji 574 hezar û 963 zarok û ciwanên otîstîk ên temenên wan di navbera 0 û 19ê de ye bi tenê 41 hezar û 854 dikarin biçin dibistanan. Ji ber wê jî gelekî girîng e ku ji bo zarok û mezinên otîstîk bikaribin hindik be jî jiyana xwe bi rengekî serbixwe dewam bikin, ji pêşdibistanê destpê bikin ku ew bikaribin perwerdeyeke naveroka wê xurt bidest bixin." (AÖ/FD)