Li Riha, Mêrdîn û Şirnexê perwerdeyê careke din dest pê kiriye
Piştî operasyona Tirkiyeyê ya li Rojavayê ji 10ê Çiriya Pêşiyê heta niha perwerde li sê bajaran hatibû sekinandin. Vê sibehê careke din perwerdeyê li dibistanan dest pê kiriye.
Fotograf: Mustafa Güçlü/AA
Ji bo nûçeya tirkî bitikîne
Perwerdeya ku ji ber operasyona li Rojavayê li Riha, Mêrdîn û Şirnexê hatibû sekinandin, vê sibehê careke din dest pê kiriye.
Li tevahiya navçeya Kaniya Xezalan, Serêkaniyê û Pirsûsê û li hêrêmên ser sînor ên navçeya Bîrecîkê ya Rihayê vê sibehê perwerdeyê dest pê kiriye.
Her weha li hemû dibistanên Nisêbînê û li herêmên ser sînor ên navçeya Artûklû û Qoserê ya Mêrdînê jî perwerde vê sibehê daye destpêkirin.
Li herêmên ser sînor ên navçeya Cizîr, Hezex û Silopyayê jî li dibistanên ku perwerde lê hatibû sekinandin vê sibehê dest bi danîna dersan hatiye kirin. (AO/FD)