Li Stenbolê bihayê çûnûhatinê ji sedî 29 zêde bûye

Li gorî biraya ku li UKOMEyê derketiye, bihayê abonetiya mehane ya xwendekaran ji 109 lîreyî derketiye 140 lîreyan, bihayê abonetiya mehane ya tam ji 602 lîreyî derketiye 777 lîreyan.

Stenbol

Ji bo nûçeya tirkî / ingilîzî bitikîne

Navenda Koordînasyona Veguhestinê (UKOME) ya Şaredariya Bajarê Mezin a Stenbolê (ÎBB) îro civîneke awarte li dar xistiye.

Civîn li Navenda Huner û Pîşandan ya Dr. Mîmar Kadîr Topbaşî ku li Yenîkapiyê ye hatiye lidarxistin.

Di civînê de biryara bihakirina heqê rê hatiye girtin. Ji sedî 29 heqê rêya veguhestina komî û texsiyan hat zêdekirin. Her weha di meha Nîsana 2022an de jî ji sedî 40 bihayê hatûçûnê zêde bûbû.

Bixwîne- Li Stenbolê bihayê çûnûhatinê ji sedî 40 zêde bûye

Li gorî biryarê , bilêta elektronîk ya tam ji 7,67 lîreyan derketiye 9.90 lîreyan. Bilêtê elektronîk ya xwendekaran ji 3.74 lîreyan derketiye 4.83 lîreyan.

Her weha heqê texsiyan ê siwarbûn-peyabûnê jî ji 28 lîreyan derketiye 40 lîreyan. Serê kîlometreya texsiyan ji 6,30 lîreyan derketiye 8,51 lîreyî.(HA/AY)