Parlamentera berê ya HDPyê Huda Kaya ji ber “doza Kobaniyê” hate girtin

Parlamentera berê ya Partiya Demokratîk a Gelan (HDP) a Stenbolê Huda Kaya duh li Balafirxaneya Stenbolê hate desteserkirin. Li gorî zanyariyan, Kaya ji ber lêpirsîna Kobaniyê hatiye desteserkirin ku Serdozgeriya Komarî ya Enqereyê dabû destpêkirin.

Kaya piştî kontrola doktorî, birin dozgeriyê. Dozgeriyê daxwaza girtina wê kir û ew şande dadgehê.

Huda Kaya bi rêya Sîstema Deng û Dîmenan (SEGBIS) derxistin Dadweriya Aştî û Cezayî ya 4an a Enqereyê. Dadweriyê biryara girtina wê da.

Huda Kaya piştî hate girtin li ser hesabê xwe yê medyaya civakî peyamek weşand. Di peyamê de fotografekî Kayayê hebû ku di wesayita polîsan de ye û di kêliya dê wê bibin girtîgehê de hatiye girtin.

Kayayê di peyama xwe de got:

“Dilê min her daîm bi aştî, hêvî û we re ye. Mezintirîn îbadet parastina mafan e.”

Parêzera Kayayê Zîlan Leventoglûyê derbarê girtina Kayayê de daxuyaniyek da û got ku biryar neheq, nehiqûqî û kêfî ye.

Leventoglûyî diyar kir ku dozgerî ji bo Kayayê biryar daye û gotiye “ew firar e” û wan li dijî vê biryarê derketine lê ti encam bi dest nexistiye.

Zîlan Leventoglûyê paşê jî ji Artı Gerçekê re ragihand û got ku biryara desteserkirinê ji ber Doza Kobaniyê ye. (HA/AEK/FD)