Dosyayên parêzbendiya 11 parlamenterên HDPyê şandine Meclîsê

Fotograf: AA / Arşîv

Ji bo nûçeya tirkî / ingilîzî bitikîne

Ji bo parêzbendiya 11 parlamenterên Partiya Demokratîk a Gelan (HDP) bê rakirin 25 dosya şandine Serokatiya Meclîsa Gelî ya Mezin Tirkiyeyê (TBMM).

Li gor nûçeya Ajansa Anadolûyê, Tezkereyên Serokomariyê ya Derbarê Rakirina Parêzbendiya Yasaçêkirinê şandine Komîsyona Tevlihev a Destûra Bingehîn û Edaletê ya TBMMyê. Ew parlamenterên ku tê xwestin parezbendiya wan bê rakirin ev in:

Parlamentera Amedê Salîhe Aydenîz, Parlamentera Amedê Dêrsim Dag, Parlamenterê Agiriyê Berdan Ozturk, Parlamentera Amedê Semra Guzel, Parlamenterê Rihayê Omer Ocalan, Parlamentera Amedê Remziye Tosûn, Parlamenterê Dîlokê û Fermanderê Îdareyê yê TBMMyê Mahmût Togrûl, Parlamentera Êlihê Feleknas Ûca, Parlamentera Rihayê Ayşe Surucu, Parlamentera Şirnexê Nûran Îmîr, Parlamentera Wanê Mûazzez Orhan İşik.

Pênc dosyayên Salîhe Aydenîz û Dêrsim Dagê, sê dosyayên Berdan Ozturk û Semra Guzelê, du dosyayên Mûazzez Orhan Işik û Remziye Tosûnê, dosyayeke Omer Ocalan, Numar Îmîr, Ayşe Surucu, Feleknas Ûca û Mahmût Togrûlî heye.

Di serdema 27an de parlamenteriya 3 parlamenteran betal kiribûn

TBMMyê di serdema 27an de, roja 4ê Hezîrana 2020an ji ber ku ceza li wan hatibû birîn, parlamenteriya Leyla Guven, Parlamentera HDPyê ya Colemêrgê, Mûsa Farîsogûllari, Parlamenterê HDPyê yê Amedê û Enîs Berberoglû, Parlamenterê CHPyê yê Stenbolê rakiribû.

Her sê parlamenter heman rojê hatibûn girtin. Berberoglû di 5ê Hezîranê de, Leyla Guven di 9ê Hezîranê de tehliye bûbûn. (EKN/FD)