"DYA û Rûsyayê pabendiya peymanê nekirin"
Wezîrê Karê Derve Mevlut Çavuşoglu derbarê peymana digel DYA û Rûsyayê ji bo bakurê Sûriyeyê de got, "Gelo pabendiya peymanê kirin heta nuha, na nekirin. Pêdivê bê kirin."
Çavuşoglu bal kişand ser paqijkirina YPG/PKKê jibakurê Sûriyeyê û got, "Heke em encamê nestînin, herwekî ku piştî me digel DYAyê ceriband, emê dîsa herekata ku me destpêkiribû bidomînin."
Li gor AAyê xalên mutebeqetê yên di navbera Rûsya û Tirkiyeyê de ev in:
1. Herdû alî jî ji bo parastina yekîtiya siyasî û yekparçeyiya axa Sûriyeyê û parastina ewlehiya neteweyî ya Tirkiyeyê biryardariya xwe pesend dikin.
2. Ji bo têkoşîna li dijî hemû terorîzm, peydabûna wan û badilhewakirina rojevên cihêkarî yên li ser axa Sûriyeyê ew biryardariya xwe diyar dikin.
3. Di vê çarçoveyê da Tel Ebyad û Resûleyn jî di nav da ew qada 32 kîlometre ya ku di nav qada Herekata Kaniya Aştiyê da cih digire wê bê parastin.
4. Herdu alî giringiya Hevpeymana Adanayê pesend dikin. Federasyona Rûsyayê dê asankariyê di cîbicîkirina Hevpeymana Adanayê da, bike.
5. 23ê Cotmeha sala 2019an saet ji 12.00î bi şûn va polêsên eskerî yên Ûris û mihafizên sînor ên Sûriyeyê ji bo ku hêzên YPGê û tevlî çekên wan li derveyê qada Herekata Kaniya Aştiyê li aliyê sînorê Sûriyeyê dimînin bi qasî 30 kîlometre dûr bixin wê biçin wê derê. Ev kar wê di nav 150 saetî da bê temamkirin. Di heman saetî da ji bilî bajarê Qamişloyê wê bi qasî 10 kîlometre ber bi hûndir va li rojhilat û rojavayê sînorê qada Hereketa Kaniya Aştiyê dewriyeya hevpar a Tirk-Ûris dest pê bike.
6. Hemû endamên YPGê tevlî çekên xwe wê ji Minbic û Tel Rifatê bên derxistin
7. Herdu alî jî ji bo rê li ber terorê ya ku hewl dide bi dizî derbas bibe bê girtin wê hewl bidin û tewdîrên hewce dike wê hildin.
8. Ji bo ku penaber awayeke bi dil vegerin û vegera wan bê hêsankirin wê bi şirîkatî xebat bên kirin.
9. Bi armanca miqatebûna sepandin û kordîneya vê muxtirayê wê sihêtiyeke hevpar û mekanîzmaya piştrastkirinê bê damezrandin
10. Herdu alî di çarçoveya Mekanîzmaya Astanayê da bi armanca ku ji bo îxtilafa Sûriyeyê çareseriyeke siyasî ya mayînde bê dîtin wê xebatên xwe bidomînin piştevaniya kar û xebatên Komîteya Makezagonê bikin.
(MB)
Çavkanî: Arşîva bianetê, arşîva AAyê û Ahmet Aydın/AA