Li Amed û Rihayê rêveberên HDP, DBP û TJAyê hatine desteserkirin

Fotograf. AA - Arşîv

Polîsan li Amed û Rihayê di saetên sibehê de girtine ser mala rêveberên DBP, TJA û Komeleya Jinan a Rosayê û gelek kes desteser kirine.

Li gorî nûçeya Ajansa Mezopotamyayê, polîsan di saetên sibehê de li Karakopruya Rihayê girtine ser mala endama Avakar a Komeleya Jinan a Rosayê û Narîn Gezgor desteser kirine.

Her weha li Amedê jî endama Avakar a heman Komeleyê Ayla Akat Ata, Seroka Komeleyê Adalet Kaya, aktivîstên Tevgera Jinên Azad (TJA) Gulcihan Şimşek û Zelal Bilgin, Hevserokê Giştî yê bere yê Partiya Herêmên Demokratîk (DBP) Mehmet Arslan, endama Desteya Rêveber a Navendê ya Partiya Demokratîk a Gelan (HDP) Ozlem Gunduz, Hevserokên HDPya Yenîşehîrê Remziye Sizici û Kasim Kaya, endamê HDPyê Mehmet Ali Altinkaynak, Celal Yoldaş û Nazîle Tursun hatine desteserkirin.

Polîsan Narîn Gezgor birine Amedê. (FD)