Li Amîdartê hevdîtinên online destpê kirine

Ji bo nûçeya tirkî bitikîne

Di pêvajoya pandemiyê de li gelek qadan hilberîn kêm bûye, heta sekiniye. Bandora pandemiyê her weha li qada çand û hunerê jî bûye. Di sektora mûzîkê de gelek çalakî-konser hatine betalkirin û mûzîkjen û guhdarvan ji ber vê, negihîştine hev. Êdî li şûna hevdîtinên rûbirû, prlatformên dîjîtal girtiye. Di vê rewşa mejbûrî de, Civata Çand û Hunerê ya Amîdartê ya ku navenda wê li Amedê ye, çalakiyên girîng amade kirine.

Amîdartê Qadên ji bo Çandê projeya bi navê "Di Rewşa Asayî ya nû de Qadên Online û Bêcî" daye destpêkirin.

Di navbera 18ê Îlonê û 10ê Kanûna Pêşiyê de wê 17 muzîkjenên ji qadên cûrbecûr li ser Instagram û Zoomê, ango bi du beşan bername li dar bikevin. Di van bernameyan de muzîkjen bi tirkî û kurdî (kurmancî-kirmanckî) hem pêşveçûnên xwe yên di mûzîkê de, tecrûbe û fikrên xwe, hem jî di derbarê 13 mijarên spesîfîk de minaqaşayan bikin. 

Her wiha piştî hevdîtinên online wê ji bo qalîteyê û liberdestbûna van hevdîtinan; qeydên vîdeoyan û qeydên dengan werin tomarkirin. Piştî vê bi tomarkirin û sererastkirineke baş wê li ser Youtube, Spotîfy û IGTVyê wek video û podcast werin weşandin.

Mûzîkjenên ku di vê projê de cî girtine û mijarên wan ev in;

Alî Tekbaş (Lawje), Berhevkirina Mûzîkal û Pêvajoya wê

Vedat Yildirim (Kardeş Turkuler, Bajar), Teknîk û Cûreyên Vokalê

Alî Dogan Gonultaş (Zê Tîje, Xo Bi Xo), Di Mûzîkê de Vegotina Çîrokan û Cûreyên wê yên Kevneşopiyê

Sîmir Rûdan, Di Mûzîka Kurdî de Formên Rojava û Mînakên Wê

Mehmet Akbaş, Formên Kevneşopiyê

Tahîr Palalî, Platformên Dijîtal ên Mûzîkê, Konserên Onlîne û Tecrûbeyên www.artistlockdown.comê

Ronî Artin, Reqso, Arjîn, Mûzîka Kurdî ya Rep û Reaksiyonên Wê

Sakîna, Li Dîasporayê Mûzîka Kurdî

Rewşen Çelîker, Wek Sektorekê di Mûzîkê de Derfet û Bêderfetiyên Jinan

Mehmet Atli, Nivîsandina Gotaran û Çêkirina Helbestan

Burcu Yankin (Kardeş Turkuler, Mîraz), Teknîkên Rîtmê û Mînakên Rîtmê yên Cîhanê

Mavîş Guneşer, Metîn & Kemal Kahraman, Di Mûzîkê de Ciyê Bawerî û Çandê

Ma Musîk Center (Ramîn Rebî’î, Şêrko Kanîwar), Girîngiya Perwerdehiya Muzîkê ya Serdema Destpêkê Bi Zimanê Dayikê û Stranên Zarokan.

(BD/NO/AY/FD)