Li Îranê 10 sal cezayê girtîgehê li dersdêra kurdî hat birîn
Li Îranê 10 sal cezayê girtîgehê li dersdêra zimanê kurdî Soma Pur Muhammedî hat birin.
Dadgeha Şoreşê ya Îranê li bajarê Sineyê dersdêra zimanê kurdî Soma Pur Muhammedî ji wezîfeyê girt û 10 sal cezayê girtîgehê lê birî.
Li gorî nûçeya Ajansa Mezopotamyayê Soma Pur Muhammedî endama Lijneya Rêveber a Meclisa Nûjînê ye. Rejîma Îranê Muhammediyê bi îdiaya ku “Kom û rêxistinên zirarê didin ewlehiya Îranê birêxistin dike” tawanbar dike.
Her weha pêştir jî bi îdiaya ku “zirar gihandiye ewlehiya giştî” salek cezayê girtîgehê li Soma Pur Muhammedî hatibû birîn.
(AD/AY)