Li Stenbolê ESPyî û SGDFyî hatine desteserkirin

Fotograf: AA (Arşîv)

Ji ber lêpirsîna Serdozgeriya Komarî ya Stenbolê polîsan di saetên sibehê de girtine ser gelek malên rêveber û endamên Partiya Sosyalîstên Bindest (ESP) û yên Federasyona Komeleyên Ciwanên Şoreşger (SGDF).

Polîsan Şahin Tumuklu, Hevserokê Giştî yê ESPyê, Alev Ozkîraz Hevseroka SGDFyê û rojnameger Pinar Gayîp jî di nav de gelek kes desteser kirine.

Li gor nûçeya Ajansa Mezopotamyayê (MA) ji bilî Tumuklu, Ozkîraz û Gayîp kesên hatine desteserkirin ev in:

Endamên ESPyê Huseyîn Îldan, Çinar Altan, Omer Sînan, Hidir Yilmaz, Emrah Topaloglû, Zeynep Gerçek, Îbrahim Gerçek, endamên Ela Denîz Albayrak, Ozge Dogan, Nazli Yoyler, Yaren Tûncer û endama Meclîsa Partiyê ya Partiya Demokratîk a Gelan (HDP) Hêlîn Yilmaz.

Kesên hatine desteserkirin, birine Midûreyeta Emniyetê ya Stenbolê. (FD)