Walîtiya Stenbolê: Di 19 rojan de me 12 hezar penaberên qaçax tespît kir

Li gorî daxuyaniya Walîtiya Stenbole penaberên ku ji bo navendên vegerandinê hatine şandin, wê bên dersînorkirin.

Stenbol

Ji bo nûçeya tirkî / ingilîzî bitikîne

Walîtiya Stenbolê derbarê “Koçberiya Bêserûber, Karkirina Dijyasayî û Sûriyeyiyên Neqeydkirî” de daxuyaniyeke çapemeniyê weşandiye.

Walîtiyê di daxuyaniya xwe de wiha gotiye:

* 12 hezar û 474 koçberên bêserûber ên qaçax ên biyanî ji bo bajarên ku Navendên Vegerandinê li wan hene, hatine şandin.

* Di heman demê de 2 hezar û 630 sûriyeyî hatin tespîtkirin ku li ti bajarê qeyda wan nîne. Ji bo wan bajaran hatine şandin ku Navenden Vegerandinê li wan hene.

Tabela hatine kontrolkirin

* Di navbera 12 û 31ê Tîrmehê de serdana 7 hezar û 743 kargehan hatiye kirin û rêberî ji xwediyê kar û xebatkaran re hatiye kirin. Ev xebata han wê heta 25ê Tebaxa 2019ê berdewam bike.

* Ji bo tabelayên kargehan li gorî rêziknameyan be, xebat li bajarê me berdewam dikin. Heta niha ji bo vî karî rêbertî ji 5 hezar û 866 kargehan hatiye kirin. Hatiye tespîtkirin ku tabelayên hezar û 533 kargehan ne li gorî rêziknameyan e. Ji bo van kargehan xebat berdewam dikin. (EMK/FD)