WHO: Omicron wê ne varyanta dawî be

Sekreterê Giştî yê WHOyê Tedros Adhanom Ghebreyesus diyar kiriye ku tevî Omicron di kesên derzîbûyî de li gor cureyê Deltayê siviktir derbas dibe jî nabe ku Omicron wek cureyekî "sivik" bê binavkirin.

Stenbol

Fotograf: AA

Ji bo nûçeya tirkî bitikîne

Sekreterê Giştî yê Rexistina Tenduristiyê ya Cîhanê(WHO) Tedros A. Ghebreyesus û Seroka Lijneya Têkoşîna li Dijî COVID-19ê Maria van Kerkhove li Cenevê daxuyanekê dane û gotine, "Her çi qas semptomên wî li gor Deltayê siviktir bin jî, Omicron jî dibe sedema razanê li nexweşxaneyan û mirinê. Mixabin Omicron wê nebe cureyê dawî, peresîna vîrusê didome."

Her du pisporên WHOyê jî ragihandine ku hemû vaksînên heyî li dijî Omicronê bi kêr tên û divê her kes derzî bibe. Tê diyar kirin ku hê nifûseke mezin derzî nebûye.

Omicron li seranserê cîhanê bi bandor e û ji bo çalakiyan dibe sedema betalbûne. Li Ewrûpayê bêhtir li Fransa û li Îtalyayê, li Başûrê Amerîkayê bêhtir li Perûyê, her wiha li Fîlîpîn, li Iraq û li Sirbistanê jî rêjeya kesên bi vîrusê ketine zêdetir dibe. Li Tirkiyeyê jî di 6ê Kanûna Paşinê de 68 hezar û 413 kes bi COVID-19ê ketine. Ev hejmar ji destpêka pandemiyê wir ve hejmara herî zêde ye.(TP/OP/AY)

*Ozan Polatî ev nûçe ji tirkî wergerandiye

covid-19 covîd-19 Varyanta Omicronê WHO Rêxistina Tenduristiyê ya Cîhanê Koronaya nû kovid koronaya nu Kovîd