Şerîf Omerî: Kartonfilmê One Piece bandoreke mezin li min kiriye
Rapbêjê ji Rojava Şerîf Omerî, vê carê bersiva rêzehevpeyvîna me, ya bi navê "5 Pirs 5 Bersiv"ê da. Omeriyî got, herî zêde bandora kartonfilmê ONE PIECE-ê li ser wî çêbûye û heger carek din were dinyayê, ew ê gelekî ji zaroktiya xwe hezbike.
Fermo, em bi hev re lê binêrin bê Şerîf Omeriyî çi bersiv dane, pênc pirsên me:
1- Van rojan tu bi çi mijûlî?
Ez bi albumek nû mijûlim. Di sala 2020an de stranên kurdî, erebî û almanî wê albumek gelekî baş be.
2- Heke careke din tu werî dinê, tu dixwazî di rewşeke çawa de bijî? Çi bikî?
Heger carek din werim û vegerim dinyayê, min ê gelek ji zaroktiya xwe hezkiriba. Zaroktî tiştek gelek xweş bû. Mixabin me rojên ne xweş tê de derbas kiriba. Û min nedistra, ez ne dibûm hunermend. Karê Hunermendê karekî zehmete, karekî gelek zore û ez poşmanim ji ber ku ez bûm hunermend.
3- Di nava rojê de herî zêde tu ji çi hezdikî ku bike?
Ez ji karê studioyê hezdikim. Ji karê muzîkê gelekî hezdikim û li malê ez gelekî jî ji xwendinê hezdikim. Ez fêrî zimanê almanî dibim.
4- Tu dixwazî jiyaneke çawa bijî?
Ez dixwazim jiyanek bê şer, bê êşkence, bê êş bijim. Mixabin Jiyana me tev de şer û kuştin e.
5- Bûyer an jî kesekî/e ku di jiyana te bandoreke mezin li ser te kiribe heye? Hebe bandoreke çawa li te û jiyana te kiriye?
Bi rastî û bê henek yê go ku gelek mezin daye jiyana min, hahahah karton filmê bi navê ONE PIECE e. Bandoreke gelek mezin li min kiriye. Bi taybet LUFFY. Ew dixwaze bibe tiştekî mezin û şer dike. Pir diweste lê gelekî enerjiyê dide min. (FD)
Edîtorê bianet kurdiyê ye. Ji Zaningeha Marmarayê, ji beşa Rojnamegerîyê derçûye. Li Zaningeha Marmarayê di beşa Rojnamegerîyê de masterê dike. Di rojnamaya Birgünê, Dicle Haber Ajansı (DİHA), Dem Tv, Rûdaw Tv û Sputnik Kurdistanê de wek nûçegîhan, edîtor, gerînendeyê nûçeyan û şef edîtor kar kiriye. Edîtorî û redaktoriya gelek pirtûkan kiriye. Yek ji nivîskarên “E- Kitêba Rojnamegeriya Kurdî a Dijîtal”, “Ferhengoka Kurdî-Tirkî ya Nûçegihaniya Zayenda Civakî” ye. Nivîseke wî ya lêkolînê di pirtûka “Haber Analizi ve Arşiv İncelemeleriyle Türkiye’de 9 Gazete” de hatiye weşandin. Li bianetê û Botan Internationalê, di Kargehên Medyaya Kurdî de dersên dîroka çapemeniya kurdî, rojnamegeriya mafparêz û hevpeyvînan daye. Pirtûkek bi navê "Guldesteyek ji Baxê Rewanê" (Sor Yay.), yek jî bi navê "Çîrokên Şêwra Ermenan" (Cervantes Yay.) derxistiye. Xwediyê Xelata Rojnamegeriyê ya Mûsa Anterî û Rojnamegerên Çapemeniya Azad (di beşa nûçeyên kurdî de) yê sala 2023yan e.
Diyarname 29 Reşemî: Ev rojname wê her ji çar salan carekê çap bibe
Weşana kurdî ya Radyoya Swêdê piştî 23 salan bi dawî bû: “Radyo pirek bû”
Muzîka Kurdî 2023: “Nazdar Nazdar”, Koma Amed, Şivan Perwer, hunermendên jin
LI STENBOLÊ WÊ DIBISTANA MUZÎKÊ YA EGÎDÊ CIMOYÊ VEBE
“Em dixwazin Egîdê Cimoyên nû derkevin”
“Dema em li betlaneyê bûn, rêveberiya Kurdistan24ê em ji kar derxistin”
