Ahmet Turk: Em ê helwesta xwe neguherînin

Ji bo nûçeya tirkî bitikîne

Ahmet Turk, Hevşaredarê Bajarê Mezin ê Mêrdînê ji bo beşdarî kampanyaya Partiya Demokratîk a Gelan (HDP) ya derbarê hilbijartina 23yê Hezîranê bibe hatiye Stenbolê. 

Turk li navçeya Beyoglûyê di dema bernameya Komeleya Kerboraniyan (DAR-DER) de wiha axivî: “Di 23yê Hezîranê de dema em çûn ser sindoqan em ê li îradeya xwe û rûmeta xwe xwedî derkevin. Tiştên ku hatiye serê gelê xwe em ji bîr nakin û em ê li vê bifikirin û dengên xwe bidin”. 

Turkî li vir behsa pêvajoya hilbijartina 31ê Adarê û bûyerên piştî wê kir ku di encama hilbijartinê de weke Hevşaredarê Bajarê Mezin ê Mêrdînê hatibû hilbijartin. Turkî wiha berdewam kir: “Ne ji bo xatirê CHPyê, ne ji bo xatirê ti kesî. Bila bê zanîn ku kurd xwedî li xwe û rûmeta xwe derdikevin. Dengê me ji bo demokrasî û aştiyê ye. 

“Helwesta me wê neguhere”

Ahmet Türkî li ser pirsa bianetê derbarê peyama Abdullah Ocalanî, Rêberê PKKyê de jî axivî ku peyama Ocalanî duh di saetên şevê de Ajansa Anadolûyê (AA) weşandibû:

“Hewceyî şîroveya zêde nîne. Tiştên ku hatine gotin bes in. Helwesta me wê neguhere. Di helwesta me ya li ser hilbijêrên HDPyê de guhertin çênebe. Gelê kurd gelekî polîtîk e û dizane pêvajoyê fam bike. Divê şîrove zêde neyên kirin da ku tevlihevî çênebe.” (HC/FD)