Fermandarê CENTCOMê: Em ê ji Minbicê venekêşin

Votel Fermandarê Hêzên Navendî yên DYAyê digel ku Erdoganî ji Trumpî re got “leşkerên xwe vekêşin”, destnîşan kir ku ew ê leşkerên xwe ji Minbicê venekêşin. Trumpî derbarê Minbicê de gotibû ku “leşkerên me li wir in”, Erdoganî jî bersiv dabûyê û gotibû, “Hûn leşkerên ve vekêşin.”

Ji bo nûçeya Tirkî / İngilîzî  bitikîne

General Joseph Votel, Fermandarê Hêzên Navendî yên DYAyê (CENTCOM) ji televizyona CNNê re axivî û diyar kir ku derketina ji Minbicê ne di rojeva wan de ye.

Serokomar Recep Tayyîp Erdoganî hefteya borî diyar kiribu ku dibe operasyona li ser Efrînê biçe heta Minbicê.

Çavûşoglû: Divê demildest vekêşin

Mevluç Çavûşoglû Wezîrê Karên Derve roja şemiyê axivî bû û gotibû ku “Divê DYA peywendiya xwe bi rêxistineke terorê re qut bike. Û divê bi temamî çekan bi wan bide berdan. Divê çekên ku dane wan ji wan bistîne. Divê demildest ji Minbicê vekêşin.”

Minbic 40 kîlometre dûrî sînorê Tirkiyeyê ye û di havîna sala 2016yê de YPGyê DAIŞ ji vir derxistibû û kontrola wê xistibû destê xwe.

Erdogan: Min got ku “Hûnê leşkerên xwe vekêşin”

Abdulkadîr Selvî nivîskarê rojnameya Hurriyetê di gotara xwe ya îro de axavtina di navbera Serokomar Erdogan û Serokê DYAyê Trumpî de ragihand û ev diyalog ji devê Erdogan wiha par ve kir:

“Di telefonê de min ji Trumpî re got ku em ê bikevin Minbicê. Wî jî got ‘li wir leşkerên me hene’. Min jê re got hûn leşkerên xwe bikişînin herêma ewlehî.” (PT/FD)

Çavkanî: CNN International


Stenbol - Navenda Nûçeyan a BIAyê

29 Kanûna Paşiyê 2018, Duşem